یوٹیوب پر ویڈیو دیکھیں۔

اکثر لوگوں کو لگتا ہے کہ ایک ویب سائٹ کو لائیو کرنا بہت مشکل کام ہے۔ اس کے لیے کوڈنگ سیکھنی پڑتی ہے، npm انسٹال کرنا ہوتا ہے،
ٹرمینل استعمال کرنا پڑتا ہے اور مختلف پیچیدہ ٹولز سمجھنے پڑتے ہیں۔ لیکن حقیقت یہ ہے کہ اگر آپ صحیح طریقہ اختیار کریں تو آپ چند منٹوں میں اپنی ویب سائٹ بنا کر اسے انٹرنیٹ پر لائیو کرسکتے ہیں۔

اس ویڈیو میں ہم ایک بہت سادہ اور عملی طریقہ دیکھتے ہیں۔ ہم آغاز کرتے ہیں Google AI Studio سے، جہاں ہم ایک مکمل پورٹ فولیو ویب سائٹ جنریٹ کرتے ہیں۔ لیکن یہاں سب سے اہم بات یہ ہے کہ ہم AI کو صحیح طریقے سے گائیڈ کرتے ہیں تاکہ وہ ہمیں ایسا کوڈ دے جو سیدھا GitHub Pages پر چل سکے۔ یعنی صرف HTML، CSS اور JavaScript پر مبنی ویب سائٹ، بغیر کسی React، Vite یا npm کے۔

جب کوڈ تیار ہو جاتا ہے تو اگلا مرحلہ بہت آسان ہو جاتا ہے۔ آپ ان فائلز کو GitHub پر اپلوڈ کرتے ہیں، پھر Settings میں جا کر GitHub Pages کو آن کرتے ہیں، اور چند سیکنڈز میں آپ کی ویب سائٹ لائیو ہو جاتی ہے۔ نہ کوئی ٹرمینل، نہ کوئی انسٹالیشن، نہ کوئی پیچیدہ ڈیپلائمنٹ۔

یہاں ایک بنیادی چیز سمجھنا بہت ضروری ہے کہ ہر AI سے بنا ہوا کوڈ براہ راست لائیو نہیں ہوتا۔ اکثر لوگ React یا Vite جیسے پروجیکٹس بنا لیتے ہیں، جو GitHub Pages پر سیدھا نہیں چلتے۔ اس ویڈیو میں ہم یہی غلطی شروع میں ہی avoid کرتے ہیں اور ایک سادہ، صاف اور GitHub-ready structure بناتے ہیں جس میں صرف index.html، style.css اور script.js شامل ہوتے ہیں۔

ساتھ ہی ہم کچھ اہم چھوٹی چیزوں پر بھی بات کرتے ہیں، جیسے کہ فائلز کو root میں رکھنا، صحیح relative paths استعمال کرنا، اور index.html کا درست نام رکھنا۔ یہی وہ چیزیں ہیں جو اکثر ویب سائٹ کو لائیو ہونے سے روک دیتی ہیں۔

یہ طریقہ خاص طور پر ان لوگوں کے لیے بہترین ہے جو جلدی سے اپنی پورٹ فولیو ویب سائٹ بنانا چاہتے ہیں، چاہے وہ اسٹوڈنٹس ہوں، فری لانسرز ہوں یا beginners۔ اس میں آپ ٹیکنیکل پیچیدگیوں میں نہیں الجھتے بلکہ سیدھا اپنی ویب سائٹ بنانے اور اسے دنیا کے سامنے لانے پر فوکس کرتے ہیں۔

اس ویڈیو کے آخر تک آپ نہ صرف یہ سیکھیں گے کہ AI سے ویب سائٹ کیسے بنائی جاتی ہے بلکہ یہ بھی کہ اسے سب سے آسان طریقے سے لائیو کیسے کیا جاتا ہے۔

ہم نے https://urduai.org/guides/ پر ایک بلاگ سیریز چروع کی ہے جہاں ہم لکھ کر سب کچھ ایکسپلین کررہے ہیں۔ آپ وہ بھی دیکھیں۔



شکریہ آپ کا دوست۔
قیصر رونجھا

دوستو،

اردو اے آئی کی نئی ویب سائٹ اب لائیو ہے۔

آج اے آئی دنیا کو جس رفتار سے بدل رہی ہے، اس میں سب کچھ سیکھنا ایک چیلنج بنتا جا رہا ہے۔ ہر دن کچھ نیا سامنے آتا ہے… نئے ٹولز، نئی ٹیکنالوجی، نئے طریقے۔

لیکن ایک بات ہم مانتے ہیں—سیکھنے کے راستے میں زبان کبھی رکاوٹ نہیں ہونی چاہیے۔

اسی لیے ہم نے ایک ایسا پلیٹ فارم بنانے کی کوشش کی ہے جہاں آپ کو ہر ضروری چیز ایک ہی جگہ پر ملے—سادہ انداز میں، آسان زبان میں، اور آپ کے اپنے انداز میں۔

ہم چاہتے ہیں کہ کروڑوں اردو سمجھنے والے ٹیکنالوجی کی اس بدلتی دنیا میں پیچھے نہ رہ جائیں۔ ایک ہی پلیٹ فارم پر آئیں… اور بغیر کسی مشکل کے اے آئی سیکھیں، سمجھیں، اور اپنی زندگی میں استعمال کریں۔

میں اور میری ٹیم مسلسل اس پر کام کر رہے ہیں کہ دنیا بھر میں اے آئی میں جو بھی نیا ہو—چاہے وہ گائیڈز ہوں، ٹپس اینڈ ٹرکس ہوں، یا نئے ٹولز—ہم اسے باقاعدگی سے آپ تک پہنچاتے رہیں۔

ہم نے ویب سائٹ کو پہلے سے کہیں زیادہ فاسٹ، اسموٹھ اور یوزر فرینڈلی بنا دیا ہے… تاکہ آپ کا سیکھنے کا تجربہ واقعی بہتر ہو۔

لیکن یہ سفر ابھی ختم نہیں ہوا… آپ کا فیڈبیک ہمارے لیے سب سے زیادہ اہم ہے، کیونکہ اسی سے ہم اسے مزید بہتر بنائیں گے۔

تو ابھی وزٹ کریں… explore کریں… اور ہمیں ضرور بتائیں کہ آپ کو کیسا لگا۔ www.urduai.org

___________________________________________________________________________

اوپن اے آئی نے ChatGPT Pro کا نیا 100 ڈالر ماہانہ پلان متعارف کرایا ہے جو خاص طور پر Codex کے بھاری استعمال کے لیے بنایا گیا ہے۔ یہ پلان Plus سے 5 گنا زیادہ Codex استعمال دیتا ہے اور 31 مئی تک خصوصی پروموشن میں 10 گنا زیادہ استعمال ملے گا۔ مکمل یہاں تفصیل یہاں پڑھیں

مکمل تفصیل یہاں پڑھیں

____________________________________________________________________________

AI وائس جنریٹر ایسے ٹولز ہیں جو لکھا ہوا متن انسانی آواز میں بدل دیتے ہیں۔ اردو زبان میں اب یہ ٹیکنالوجی اتنی بہتر ہو چکی ہے کہ AI کی بنائی ہوئی آواز قدرتی آواز سے ملتی جلتی لگتی ہے۔ اس گائیڈ میں ہم 2026 کے بہترین AI وائس جنریٹرز کا تفصیلی موازنہ کریں گے۔

مکمل تفصیل پڑھیں۔

جو دوست گوگل کورسز کے انتظار میں وہ اس فارم کو فل کریں۔

فارم کا لنک۔

شکریہ،
اٗردو اے آئی ٹیم۔

لنک پر کلک کریں یوٹیوب ویڈیو کے نیچے فیڈ بیک دیں۔ جتنا جلدی فیڈ بیک آئیگا اتنی جلدی اگلی ویڈیو۔

نئے دوستوں کے لیے یہ بھی بتانا ضروری ہے کہ ہم پہلے دو کلاسز کر چکے تھے، لیکن پلیٹ فارم بند ہونے کی وجہ سے اب ہم نے نئے ٹول کے ساتھ دوبارہ آغاز کیا ہے۔ ہماری کلاسز سب سے پہلے ای میل کے ذریعے شیئر کی جاتی ہیں، اور ہر اگلی کلاس کے لیے آپ کا feedback اہم ہوتا ہے۔ اگر آپ کو ای میلز موصول نہیں ہو رہیں تو نیچے دیے گئے لنک کے ذریعے subscribe کر لیں۔

اس ویڈیو میں آپ سیکھیں گے کہ AI کے ذریعے app کیسے بنائی جاتی ہے، prompts کے ذریعے UI اور logic کیسے generate ہوتا ہے، اور اپنے ideas کو practical products میں کیسے تبدیل کیا جاتا ہے۔ اس کے ساتھ ہم نے Firebase کا بھی ذکر کیا ہے جو backend، database اور authentication سنبھالتا ہے، جبکہ GitHub کو code storage، collaboration اور deployment کے لیے استعمال کیا جاتا ہے۔ یہ تمام چیزیں مل کر آپ کو ایک مکمل AI-powered system بنانے میں مدد دیتی ہیں۔ یہ سب کچھ بالکل مفت ہے

شکریہ آپ کا دوست۔
قیصر رونجھا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Darwaza App اب سب کے لئے دستیاب ہے۔ لنک پر کلک کریں www.doorcalling.com/app

کچھ عرصے پہلے آپ میں سے بہت سے لوگوں نے ہماری ایک نئی چیز کے لیے waitlist join کی تھی۔

آج وہ چیز finally تیار ہے۔

Darwaza اب Play Store پر لائیو ہے۔

https://play.google.com/store/apps/details?id=com.darwaza.app

Darwaza کیا ہے؟

یہ ایک بہت سادہ idea ہے۔

آپ کو مہنگے cameras یا smart doorbells لگانے کی ضرورت نہیں۔

بس ایک QR code print کریں اور اپنے دروازے پر لگا دیں۔

جب کوئی visitor آئے:

آپ کو فوراً اس کی تصویر ملے گی، آپ جان سکیں گے کہ کون آیا ہے، اور آپ کہیں سے بھی اس سے بات کر سکیں گے۔

نہ کوئی hardware، نہ wiring، نہ کوئی subscription۔

ہم نے یہ کیوں بنایا؟

پاکستان اور دنیا کے بہت سے علاقوں میں لوگ smart security systems afford نہیں کر سکتے۔

ہم ایک ایسا حل بنانا چاہتے تھے جو:

• ہر کسی کے لیے آسان ہو

• واقعی مسئلہ حل کرے

• اور بغیر کسی خرچ کے شروع کیا جا سکے

یہ کیسے کام کرتا ہے؟

• اپنا QR code print کریں

• دروازے یا گیٹ پر لگائیں

• visitor scan کرے اور selfie لے

• آپ کو فوراً notification مل جائے

• built-in voice سے بات کریں

بس اتنا ہی۔

اب ہمیں آپ کی ضرورت ہے

آپ ہماری community کا حصہ ہیں، اس لیے آپ کی feedback ہمارے لیے سب سے اہم ہے۔

براہِ کرم:

• app download کریں

• اسے اپنے دوستوں یا گھر والوں کے ساتھ test کریں

• Play Store پر rating دیں

• ہمیں اپنی honest feedback دیں

یہ ابھی پہلی version ہے — اور ہم اسے آپ کے ساتھ بہتر بنائیں گے۔

اگر یہ آپ کے کسی کام آئے، تو ضرور دوسروں کے ساتھ share کریں۔

خیر اندیش،

Team Darwaza

Powered by Wang Lab of Innovation (WAL

دوستو!

پچھلے کچھ دنوں میں اے آئی کے حوالے سے جو خبریں آئی ہیں، اگر آپ انہیں بس پڑھ کر آگے بڑھ جائیں تو شاید سب کچھ معمولی لگے، لیکن جیسے ہی آپ تھوڑا رک کر ان سب کو جوڑتے ہیں تو محسوس ہوتا ہے کہ سمت بدل رہی ہے، اور یہ تبدیلی آہستہ نہیں بلکہ خاموشی سے تیز ہو رہی ہے۔

اب دیکھیں، OpenAI کے بارے میں خبر آئی کہ انہوں نے اپنی ویڈیو بنانے والی ایپ SORA کو پیچھے رکھ کر ایک نئے ماڈل “Spud” پر پوری توجہ لگا دی ہے، تو پہلی نظر میں یہ ایک عام سی خبر لگتی ہے، لیکن اگر آپ اسے غور سے دیکھیں تو یہاں ایک اشارہ ملتا ہے کہ اب مقابلہ اس حد تک بڑھ چکا ہے کہ کمپنیاں اپنی مضبوط چیزوں کو بھی وقتی طور پر روک رہی ہیں تاکہ اگلے بڑے قدم کے لیے خود کو تیار کر سکیں، اور یہی وہ مرحلہ ہوتا ہے جہاں اصل تبدیلی جنم لیتی ہے۔

اسی دوران جب آپ Elon Musk کو دیکھتے ہیں تو وہ چِپس بنانے کی فیکٹری شروع کر رہے ہیں، اور یہاں تھوڑا ٹھہر کر سمجھنے کی ضرورت ہے کہ یہ صرف ایک کاروباری فیصلہ نہیں بلکہ طاقت کی سمت بدلنے کا اشارہ ہے، کیونکہ پہلے سمجھا جاتا تھا کہ اے آئی صرف سافٹ ویئر کا کھیل ہے، لیکن اب واضح ہو رہا ہے کہ اصل اختیار اس کے پاس ہوگا جس کے پاس چِپس ہوں گی، اور جب کوئی کمپنی اپنی چِپس خود بنانے لگے تو اس کا مطلب ہے کہ وہ مکمل خود مختاری چاہتی ہے۔

اب ذرا دائرہ وسیع کریں تو ایک اور پہلو سامنے آتا ہے جہاں White House اے آئی کے لیے نئے اصول پیش کر رہا ہے، اور وہ یہ چاہتا ہے کہ قوانین آسان ہوں تاکہ ترقی کی رفتار تیز ہو، لیکن یہاں ایک سوال خودبخود ذہن میں آتا ہے کہ اگر پابندیاں کم ہوں گی تو کیا غلط استعمال کے امکانات بھی نہیں بڑھیں گے، اور یہی وہ جگہ ہے جہاں ترقی اور ذمہ داری ایک دوسرے کے سامنے کھڑی ہو جاتی ہیں۔

اسی بحث کو آگے بڑھاتے ہوئے جب ہم Anthropic اور فوج کے درمیان اختلاف کو دیکھتے ہیں تو یہ بات اور واضح ہو جاتی ہے کہ اصل سوال ٹیکنالوجی کی صلاحیت کا نہیں بلکہ اس کے استعمال کی حدود کا ہے، کیونکہ اب یہ طے کرنا باقی ہے کہ اے آئی کہاں استعمال ہونی چاہیے اور کہاں نہیں، خاص طور پر ایسے معاملات میں جہاں ایک فیصلہ بہت دور تک اثر ڈال سکتا ہے۔

اب ان سب کے درمیان ایک اور بڑی تبدیلی آہستہ آہستہ نمایاں ہو رہی ہے، اور وہ یہ ہے کہ اے آئی اب صرف سوالوں کے جواب دینے تک محدود نہیں رہی بلکہ خود کام مکمل کرنے کی طرف بڑھ رہی ہے، یعنی پہلے آپ اسے ہر قدم بتاتے تھے لیکن اب آپ صرف مقصد بتاتے ہیں اور وہ خود طریقہ نکال کر کام انجام دیتی ہے، اور یہی وہ تبدیلی ہے جس کی وجہ سے لوگ اسے ایک طرح کا ڈیجیٹل ملازم کہنے لگے ہیں۔

اسی کے ساتھ اگر ہم ماڈلز کی دنیا کو دیکھیں تو ایک دلچسپ بات سامنے آتی ہے کہ ایک طرف یہ زیادہ طاقتور ہو رہے ہیں اور زیادہ لمبی معلومات کو سمجھ سکتے ہیں، تو دوسری طرف یہ سستے اور آسان بھی ہوتے جا رہے ہیں، اور OpenAI سمیت مختلف کمپنیاں چھوٹے اور تیز ماڈلز بھی پیش کر رہی ہیں، جس کا مطلب یہ ہے کہ اب اے آئی صرف بڑی کمپنیوں تک محدود نہیں رہے گی بلکہ عام لوگوں کے لیے بھی دستیاب ہوتی جا رہی ہے۔

لیکن یہاں ایک بات اکثر نظر انداز ہو جاتی ہے، اور وہ یہ ہے کہ یہ سب کچھ چلانے کے لیے ایک مضبوط بنیاد کی ضرورت ہوتی ہے، یعنی ڈیٹا مراکز، بجلی اور چِپس، اور اسی لیے دنیا بھر میں ان چیزوں پر بہت زیادہ سرمایہ لگایا جا رہا ہے، کیونکہ حقیقت یہ ہے کہ اے آئی اب صرف ایک پروگرام نہیں بلکہ ایک مکمل نظام بن چکا ہے۔

اور شاید اسی نظام کی جھلک ہمیں اس وقت نظر آتی ہے جب انسان جیسی شکل والے روبوٹ سامنے آتے ہیں، کیونکہ یہ ہمیں یاد دلاتے ہیں کہ اے آئی صرف سکرین تک محدود نہیں رہے گی بلکہ ہماری روزمرہ زندگی کا حصہ بن جائے گی، جہاں یہ نہ صرف سوچے گی بلکہ عملی کام بھی کرے گی۔

آخر میں اگر ایک سادہ بات کہی جائے تو شاید یہی ہوگی کہ اے آئی پہلے ایک اوزار تھی، پھر مددگار بنی، اور اب آہستہ آہستہ ایک ایسا نظام بنتی جا رہی ہے جو خود فیصلے لے سکتا ہے، اور یہی وہ مقام ہے جہاں ہمیں یہ سوچنا پڑتا ہے کہ ہم صرف اسے استعمال کریں گے یا اس کے ساتھ خود کو بھی بدلیں گے، کیونکہ آنے والے وقت میں یہی فرق سب کچھ طے کرے گا۔

Google AI Scholarship فارم – 👉 یہاں کلک کریں

سیٹ محدود ہیں — اپنی جگہ ابھی محفوظ کریں۔

آپ کا شکریہ
Urdu Ai Team

——————————————————————————————————————

دوستو!

جب کل ہم نے Darwaza ایپ کے بارے میں دوستوں کو بتایا تو بہت سے دوستوں کو کنفیوژن ہوا کہ یہ آخر استعمال کہاں ہوگی، تو میں نے سوچا ذرا سادہ انداز میں آپ کو سمجھاؤں۔

آپ ذرا ایک عام سا منظر سوچیں… کوئی آپ کے گھر پر آتا ہے اور کہتا ہے میں موٹر ٹھیک کرنے آیا ہوں۔ آپ گھر پر نہیں ہوتے، آپ چھوٹے بھائی کو فون کرتے ہیں، وہ کہتا ہے میں بھی باہر ہوں۔ پھر ابو کو فون کرتے ہیں، وہ کہتے ہیں میں کہیں اور ہیں، پھر کسی اور کو کال کرو۔ اسی میں وقت ضائع ہوتا رہتا ہے، بندہ باہر کھڑا انتظار کرتا رہتا ہے، اور آخر میں یا تو وہ چلا جاتا ہے یا کام لیٹ ہو جاتا ہے۔

اصل مسئلہ یہی ہے کہ بات صحیح بندے تک وقت پر نہیں پہنچتی۔

اب یہی چیز اگر دروازے پر ایک سادہ سا کوڈ لگا ہو تو سب کچھ بدل جاتا ہے۔ وہ بندہ آتا ہے، کوڈ پڑھتا ہے، اور ایک ہی وقت میں گھر کے سب لوگوں تک اطلاع پہنچ جاتی ہے۔ اب جو واقعی available ہے، وہی جواب دے گا۔ نہ بار بار فون، نہ confusion، نہ time waste۔

اور ایک اور بڑی بات… آپ کو ہر کسی کو اپنا نمبر دینے کی ضرورت نہیں۔

اب ذرا اسے بڑے scale پر سوچیں۔

ہوٹل یا ریسٹورنٹ میں ہر میز پر کوڈ لگا ہو۔ مہمان کو کچھ چاہیے یا آرڈر دینا ہو، وہ بس کوڈ پڑھ لے۔ جیسے ہی وہ پڑھتا ہے، اُس وقت ڈیوٹی پر موجود سارے عملے کو اطلاع مل جاتی ہے کہ کس میز سے کیا request آئی ہے۔ جو available ہو وہ فوراً handle کر لے، اور سب سے اہم بات… وہ request system میں record بھی ہو جاتی ہے۔ یعنی بعد میں آپ دیکھ سکتے ہیں کہ کس میز نے کیا آرڈر دیا، کب دیا، اور کتنی دیر میں response ہوا۔

اسی طرح بڑے ہاسٹلز میں جہاں سینکڑوں کمرے ہوتے ہیں، ہر کمرے کا اپنا کوڈ ہو۔ کوئی رہنے والا کوئی request کرے، وہ scan کرے، اور management کو فوراً اطلاع مل جائے۔ ہر چیز automatically record ہو جائے، نہ فون کالز، نہ کاغذی رجسٹر، نہ follow-up کا مسئلہ۔

سادھی بات ہے، جہاں بھی کسی کو کسی تک پہنچنا ہو، وہاں یہ کام آ سکتی ہے۔ نہ انٹرکام، نہ آوازیں لگانا، نہ بار بار فون — بات سیدھا اُس تک پہنچتی ہے جسے جواب دینا ہے، اور ساتھ ہی ہر چیز کا ریکارڈ بھی بنتا جاتا ہے۔

جیسے یہ ایپ لائیو ہوتی ہے تو آپ کے ساتھ لنک شیئر کیا جائے گا۔ مزید جاننے کے لئے وزٹ کریں
www.doorcalling.com

میں آپ کو مثال دے کر بتانا چاہتا ہوں کہ اے آئی کس تیزی سے ترقی کر رہی ہے۔ ہم نے پچھلے ہفتے تیاری کی تھی کہ وائب کوڈنگ پر کلاس کریں گے۔ میں کافی عرصے سے پلان کر رہا تھا کہ کوئی نئی اپڈیٹ نہیں آئی تو یہ کلاس بہترین مواد سے بھرپور ہوگی۔ تو میں نے دو کلاسز کیں، ہزاروں دوستوں نے اس سے سیکھا۔ پرسوں مجھے کسی نے بتایا کہ جو آپ کی آؤٹ لائن ہے وہ دو دن میں نان ویلیڈ ہو جائے گی کیونکہ گوگل اے آئی اسٹوڈیو میں وہ سب چیزیں آ رہی ہیں۔ میں نے اپنی کلاس کو سلو کیا تاکہ دیکھ سکوں کہ کیا آ رہا ہے۔

اور آج آپ دیکھیں کہ گوگل اے آئی اسٹوڈیو نے کیا کر دیا۔ اب میری ہفتوں کی پلاننگ ایک اپڈیٹ سے غیر مؤثر ہو گئی۔ اب پہلے مجھے خود سمجھنا ہوگا، پھر دوسروں کو سمجھانا پڑے گا کہ گوگل اے آئی اسٹوڈیو میں آپ کیا کچھ کر سکتے ہیں۔

یہ پڑھیں۔۔۔۔

گوگل اے آئی اسٹوڈیو نے اب ایک نیا vibe coding experience introduce کیا ہے، اور سادہ الفاظ میں بات کریں تو اب آپ صرف لکھ کر مکمل apps بنا سکتے ہیں۔ پہلے ہم صرف چھوٹے prototypes یا basic چیزیں بناتے تھے، لیکن اب آپ واقعی functional apps بنا سکتے ہیں، وہ بھی بغیر کسی پیچیدہ coding کے۔

اب آپ ایک ایسا app بنا سکتے ہیں جس میں کئی لوگ ایک ساتھ کام کریں یا کھیلیں، یعنی multiplayer apps بھی ممکن ہو گئے ہیں۔ اگر آپ کو اپنے app میں login system یا database چاہیے تو اب آپ کو خود زیادہ کچھ نہیں کرنا پڑتا، AI خود سمجھ جاتا ہے اور Firebase کے ذریعے وہ سب setup کر دیتا ہے۔

مزے کی بات یہ ہے کہ اگر آپ کو animations، icons یا modern design چاہیے تو وہ بھی خود ہی manage ہو جاتا ہے۔ آپ کو الگ سے tools ڈھونڈنے کی ضرورت نہیں، AI خود فیصلہ کرتا ہے کہ کون سا tool use کرنا ہے۔

اور اب آپ اپنے apps کو real دنیا سے بھی connect کر سکتے ہیں، جیسے maps، payments یا کوئی بھی external service۔ آپ اپنی API keys دے سکتے ہیں اور system انہیں محفوظ طریقے سے handle کرتا ہے۔

ایک اور بڑی چیز یہ ہے کہ اگر آپ کام کر رہے ہیں اور درمیان میں چھوڑ دیتے ہیں تو آپ کا کام save رہتا ہے، آپ جب چاہیں واپس آ کر وہیں سے شروع کر سکتے ہیں۔

سب سے important بات، اب یہ AI agent پہلے سے کہیں زیادہ smart ہو گیا ہے۔ یہ آپ کے پورے project کو سمجھتا ہے، اس لیے آپ simple prompts دے کر بھی complex apps بنا سکتے ہیں۔

اور اب یہ React کے ساتھ ساتھ Next.js کو بھی support کرتا ہے، جو کہ modern web development میں بہت اہم ہے۔

سادہ الفاظ میں، جو کام پہلے ہمیں کئی tools، coding اور time سے کرنا پڑتا تھا، اب وہ ایک ہی جگہ پر اور بہت تیزی سے ہو رہا ہے۔

یہی وجہ ہے کہ آج اگر آپ سیکھنا شروع نہیں کرتے، تو کل آپ کو صرف سمجھنے میں ہی وقت لگ جائے گا کہ دنیا کہاں پہنچ گئی ہے۔

تو ہمارے لئے اس کا مطلب یہ کہ اپنی موجودہ کلاس کو کچھ دیر کے لئے روکیں گے۔ پہلے آج اس نئی اپڈیٹ کو سمجھیں کہ اس میں کیا کیا ممکن ہے اور ہم کیسے فائدہ لے سکتے ہیں تاکہ چیزوں کو عام دوستوں کو سمجھانے میں آسانی ہو اور مزید پیچدہ مراحل سے بچ کر آسان طریقے سے وائب کوڈنگ کی جائے۔

آپ نے اگر پہلے والی دو کلاسز نہیں دیکھیں تو ان لنکس پر دیکھیں۔ اگلی کلاس کے لئے عید کے بعد کا انتظار کریں ۔ شاید سب کچھ بدل جائے۔

پہلی کلاس

دوسری کلاس

میں اپنی محنت کو بچانے کے لئے آپ کو مزید مشکل کام میں نہیں ڈالنا چاہتا۔ پہلے خود سمجھونگا پھر آپ کو سمجھاتا ہوں۔

شکریہ۔
عید انجوائے کریں اور میرے لئے دعا کیجئے گا۔

اپنا خیال رکھیں۔

آپ کا دوست۔
قیصر رونجھا


_________________________

پاکستان کے کئی شہروں میں آج باقائدہ 5Gسروس شروع کردی گئی ہے۔ یہ سروس زونگ، یوفون اور موبی لنک کے صارفین کو دستیاب ہے۔ 5G عام موبائل انٹرنیٹ مقابلے میں کئی گناہ زیادہ تیز ہے۔

آپ بھی سپیڈ چیک کریں PakSpeed پر

Urdu AI Master Class – Vibe Coding کی آج کی کلاس میں ہم نے ایک اہم عملی مہارت سیکھی۔

ویڈیو دیکھنے کے لئے

اس سیشن میں ہم نے سیکھا کہ Github Repository کو Firebase کے ساتھ کیسے connect کیا جاتا ہے، Github کو Cloudflare کے ساتھ کیسے link کیا جاتا ہے، اور Cloudflare Pages کے ذریعے اپنی پہلی website کیسے launch کی جاتی ہے۔

یہ وہ بنیادی workflow ہے جو آج کے modern developers استعمال کرتے ہیں، اور اب آپ بھی اسے آسانی سے استعمال کر سکتے ہیں چاہے آپ beginner ہوں۔

یہ کیوں اہم ہے؟

اکثر لوگ ideas رکھتے ہیں لیکن انہیں live نہیں لے جا پاتے۔ اس کلاس کے بعد آپ اپنی website خود launch کر سکتے ہیں، اپنے projects کو online دکھا سکتے ہیں، اور freelancing یا startup کا آغاز کر سکتے ہیں۔

Vibe Coding Master Class کا مقصد یہی ہے کہ آپ modern tools کے ذریعے اپنی apps اور websites بنا سکیں، بغیر پیچیدہ coding کے۔

اگر آپ نے ابھی تک ہماری پچھلی کلاس نہیں دیکھی ہیں تو ضرور دیکھیں اور اگلے سیشن کے لیے تیار رہیں۔ ہم step-by-step آپ کو ایک مکمل system بنانا سکھا رہے ہیں۔

میں سب کے کمنٹس پڑھ رہا ہوں۔ آپ کی رائے کا انتظار رہیگا۔

شکریہ

آپ کا دوست،
قیصر رونجھا

Urdu AI App Download NOW

پہلی کلاس حاضر ہے ۔ آج ہم نے سیکھا کہ وائب کوڈنگ کیا ہے، کیسے اے آئی کی مدد سے بغیر کوڈنگ سیکھے سافٹ ویئر بنایا جا سکتا ہے، اور ہمارا پروجیکٹ پاک ایجوکیٹ کیسے کام کرے گا۔

Google Firebase — مکمل طور پر مفت!

ہم کوڈنگ کے لیے گوگل کا فائر بیس اسٹوڈیو استعمال کریں گے۔ یہ ایک آن لائن کوڈنگ ماحول ہے جس میں جیمنائی اے آئی بلٹ ان ہے۔ آپ اردو میں ہدایات دیں گے اور اے آئی کوڈ لکھے گا۔

مفت ٹولز جو ہم استعمال کریں گے:

فائر بیس اسٹوڈیو — کوڈنگ کا ماحول اور اے آئی مدد کلاؤڈ فلیئر پیجز — ویب سائٹ ہوسٹنگ کلاؤڈ فلیئر ڈی ون — ڈیٹابیس کلاؤڈ فلیئر آر ٹو — فائل سٹوریج فائر بیس آتھ — لاگ ان سسٹم گٹ ہب — کوڈ محفوظ رکھنا گوگل ایپس سکرپٹ — ای میل آٹومیشن

ان سب کی قیمت = صفر روپے۔

تین لازمی کام:

پہلا کام — اکاؤنٹس بنائیں: گوگل اکاؤنٹ (اگر نہیں ہے)، گٹ ہب اکاؤنٹ، کلاؤڈ فلیئر اکاؤنٹ، چیٹ جی پی ٹی اکاؤنٹ (پہلی ای میل دیکھنے کے لئے یہاں کلک کریں)
دوسرا کام — فائر بیس اسٹوڈیو کھولیں: فائر بیس ڈاٹ اسٹوڈیو پر جائیں، گوگل سے لاگ ان کریں، ایک نیا ورک سپیس بنائیں اور دیکھیں کہ کیسا دکھتا ہے۔

تیسرا کام — ایم وی پی پلاننگ فارم بھریں: اپنے آئیڈیے کا نام، مسئلہ، کسٹمر، پانچ فیچرز، اور پیسے کا ماڈل لکھیں۔ ٹیمپلیٹ اٹیچ ہے۔

یہ تینوں کام اگلی کلاس سے پہلے مکمل کرنا ضروری ہیں!

ایم وی پی کیا ہے؟

جب آپ کوئی نئی چیز بنانا چاہتے ہیں تو سب سے بڑی غلطی یہ ہوتی ہے کہ لوگ پوری چیز ایک ساتھ بنانے کی کوشش کرتے ہیں۔ ایم وی پی کا مطلب ہے کہ آپ صرف اتنا بنائیں جتنا کسی کو دکھانے کے لیے کافی ہو۔ پوری عمارت نہیں، صرف ایک کمرہ جو کام کرتا ہو۔

سوچیں اگر آپ سکول کا نظام بنا رہے ہیں تو پہلے صرف حاضری والا حصہ بنائیں۔ رزلٹ کارڈ، فیس، رپورٹیں — یہ سب بعد میں آئیں گے۔ پہلے ایک چیز بنائیں، لوگوں کو دکھائیں، ان کی رائے لیں، پھر آگے بڑھیں۔

دنیا کی بڑی بڑی کمپنیاں ایسے ہی شروع ہوئیں۔ فیس بک شروع میں صرف ایک سادہ پروفائل پیج تھا۔ اوبر شروع میں صرف ایک شہر میں چلتا تھا۔

آپ کا پہلا کام یہ ہے کہ ساتھ دیے گئے فارم میں پانچ سوالات کے جواب لکھیں: کیا بنانا ہے، کس کا مسئلہ حل ہوگا، کون استعمال کرے گا، پانچ اہم کام، اور پیسے کیسے آئیں گے۔ بس اتنا لکھنا کافی ہے — باقی ہم مل کر بنائیں گے۔

اسی لنک سے آپ ٹیمپلینٹ ڈاونلوڈ کریں اور اپنے لئے فل کریں۔

اگلی کلاس میں ہم اصل کوڈنگ شروع کریں گے۔

اگر آپ نے ابھی تک اردو اے آئی کی ایپ نہیں ڈاونلوڈ نہیں کی تو یہاں سے کریں

قیصر رونجھا urduai.org

ہم اردو اے آئی کی جانب سے ایک نئی عملی ماسٹر کلاس کا آغاز کر رہے ہیں جس میں ہم روایتی کوڈنگ کے بغیر، اے آئی کی مدد سے اپنی پہلی مکمل ویب اور موبائل ایپ بنائیں گے۔

اس کورس کا نام ہے:

اردو اے آئی ماسٹر کلاس – وائب کوڈنگ

اس کورس میں ہم کیا کریں گے؟

ہم مشکل کوڈ لکھنا نہیں سیکھیں گے۔ ہم وائب کوڈنگ کا طریقہ استعمال کریں گے، یعنی اے آئی سے سادہ زبان میں بات کر کے سافٹ ویئر تیار کروائیں گے۔

آپ کا کردار ایک پروجیکٹ منیجر کا ہوگا۔ جدید اے آئی ماڈلز آپ کے ڈیولپرز ہوں گے۔ آپ انہیں اردو یا انگلش میں ہدایات دیں گے، اور وہ آپ کے لیے مکمل ایپ تیار کریں گے۔

ہم چھ کلاسز کے اندر “پاک ایجوکیٹ” نامی ایک اسٹوڈنٹ رجسٹریشن سسٹم تیار کریں گے، جسے اسکول، ٹیوشن سینٹر اور اکیڈمیز ماہانہ سبسکرپشن پر استعمال کر سکیں گے۔

یہ کورس خاص طور پر ان لوگوں کے لیے ہے جو:

• ٹیکنیکل بیک گراؤنڈ نہیں رکھتے

• اپنا سافٹ ویئر بنانا چاہتے ہیں

• اے آئی کو عملی طور پر استعمال کرنا چاہتے ہیں

• سروس بیسڈ آن لائن آمدن شروع کرنا چاہتے ہیں

کلاس سے پہلے ضروری تیاری

براہِ کرم پہلی کلاس سے پہلے درج ذیل پلیٹ فارمز پر اپنے مفت اکاؤنٹس بنا لیں تاکہ ہم براہِ راست عملی کام شروع کر سکیں۔

کلاڈ اے آئی (مرکزی اے آئی ڈیولپر)

ویب: https://claude.ai/

اینڈرائیڈ: https://play.google.com/store/apps/details?id=com.anthropic.claude

آئی او ایس: https://apps.apple.com/app/claude-by-anthropic/id6473753684

ڈیسک ٹاپ: https://claude.ai/download

چیٹ جی پی ٹی (آئیڈیاز اور لاجک کے لیے)

ویب: https://chat.openai.com/

اینڈرائیڈ: https://play.google.com/store/apps/details?id=com.openai.chatgpt

آئی او ایس: https://apps.apple.com/app/chatgpt/id6448311069

اوپن اے آئی کوڈیکس معلومات

https://openai.com/research/codex

گوگل اے آئی اسٹوڈیو

https://aistudio.google.com/

گوگل پروجیکٹ اینٹی گریئوٹی

https://antigravity.google

گٹ ہب (کوڈ محفوظ رکھنے کے لیے)

سائن اپ: https://github.com/signup

ڈیسک ٹاپ ایپ: https://desktop.github.com/

کلاؤڈ فلیئر (ہوسٹنگ اور ڈیٹا بیس)

سائن اپ: https://dash.cloudflare.com/sign-up

گوگل کروم (اگر انسٹال نہ ہو)

https://www.google.com/chrome/

چھ کلاسز کا عملی سفر

کلاس اول: ٹولز سیٹ اپ اور پروجیکٹ کا بنیادی ڈھانچہ

کلاس دوم: ایپ کا فرنٹ اینڈ اور داخلہ فارم

کلاس سوم: ڈیٹا بیس اور لاجک

کلاس چہارم: اسمارٹ اے آئی فیچرز

کلاس پنجم: سیکیورٹی اور موبائل انسٹال ایبل ایپ

کلاس ششم: ایپ کو لائیو کرنا اور فروخت کرنا

یہ کورس صرف سیکھنے کے لیے نہیں بلکہ بنانے اور کمانے کے لیے ڈیزائن کیا گیا ہے۔

اگر آپ سنجیدگی سے اپنی پہلی اے آئی بیسڈ سروس بنانا چاہتے ہیں، تو اپنے اکاؤنٹس آج ہی بنا لیں۔

خیر اندیش،

قیصر رونجھا

اردو اے آئی

📢 بڑی خوشخبری: اردو اے آئی کی ایپ لانچ ہو گئی!

دوستو! ایک شاندار خبر حاضر ہے — Urdu AI نے اپنی بالکل نئی موبائل ایپ لانچ کر دی ہے!

50,000 سے زیادہ لوگ پہلے ہی ایپ ڈاؤن لوڈ کر چکے ہیں۔

اب آپ اپنے موبائل پر، اپنی زبان میں، AI سیکھ سکتے ہیں — اور کورس مکمل کرنے پر سرٹیفکیٹ بھی حاصل کر سکتے ہیں۔

ایپ میں کیا ہے؟

✅ مکمل AI کورس — آسان اور سادہ اردو میں

✅ ہر سبق کے آخر میں کوئز

✅ تکمیل پر سرٹیفکیٹ — آپ کے نام کے ساتھ

✅ خوبصورت اور آسان ڈیزائن

✅ 100% مفت — نہ کوئی فیس، نہ VPN

📱 ڈاؤن لوڈ کریں:

https://urduai.org/app

یہ ایپ اُن سب کے لیے ہے جو AI سیکھنا چاہتے ہیں مگر انگریزی رکاوٹ بن جاتی ہے۔

اب وہ رکاوٹ ختم!

___________________________________________________________________

اس ہفتے AI کی دنیا میں کئی اہم خبریں سامنے آئیں، اور میں نے سب کچھ آپ کے لیے ایک ہی خط کی شکل میں آسان الفاظ میں جمع کر دیا ہے تاکہ آپ بغیر کسی تکنیکی مشکل کے سب سمجھ سکیں۔

سب سے پہلے، OpenAI نے اپنا نیا ماڈل GPT-5.4 جاری کیا ہے۔ یہ ورژن پہلے کے مقابلے میں زیادہ سمجھدار، زیادہ درست اور زیادہ قابلِ بھروسا ہے۔ یہ لمبے پیغامات کو بہتر یاد رکھتا ہے، مشکل سوال حل کرتا ہے اور غلطیاں بھی کم کرتا ہے۔ آپ اسے ایک زیادہ پُرسکون اور ہوشمند ورژن سمجھ لیں جو کم بول کر زیادہ کام کرتا ہے۔

آگے بڑھتے ہیں تو Google نے اپنے امیج جنریشن سسٹم کا ایک نیا ورژن لانچ کیا ہے جو 4K تک صاف، تیز اور زیادہ درست تصاویر بناتا ہے۔ سب سے اچھی بات یہ ہے کہ اگر آپ ایک ہی کردار کی کئی تصویریں بنائیں تو اب ہر تصویر میں چہرہ ایک جیسا رہتا ہے۔ یہ مسئلہ پہلے اکثر تصویر بنانے والوں کو ہوتا تھا۔

پھر آتے ہیں Anthropic کی طرف، جس نے اپنے Claude اسسٹنٹ کو واقعی ایک ورک پارٹنر بنا دیا ہے۔ اب Claude روزانہ یا ہفتہ وار کام خود ہی کر سکتا ہے—جیسے رپورٹس بنانا، کوڈ چیک کرنا یا پچھلے کاموں کا جائزہ لینا۔ یوں لگتا ہے جیسے AI اب ایک حقیقی معاون بن رہا ہے جو آپ کے بغیر بھی آپ کے کام چلاتا رہتا ہے۔

اسی دوران Anthropic نے ایک اہم رپورٹ بھی شائع کی ہے جس میں بتایا گیا ہے کہ AI کا سب سے زیادہ اثر آفس کی نوکریوں پر پڑ رہا ہے—جیسے فنانس، وکالت، اور سافٹ ویئر۔ جبکہ وہ نوکریاں جن میں ہاتھ سے کام ہوتا ہے، جیسے مکینک یا باورچی، ان پر موجودہ AI کا اثر نہیں پہنچا۔ یہ رپورٹ مستقبل کے روزگار کا نقشہ صاف دکھاتی ہے۔

اس کے ساتھ ہی Anthropic اور امریکی حکومت کے درمیان ایک قانونی تنازع بھی سامنے آیا ہے۔ حکومت چاہتی تھی کہ AI کو کچھ ایسے کاموں میں استعمال کیا جائے جنہیں کمپنی غیر محفوظ سمجھتی ہے۔ کمپنی نے انکار کیا، اور اب بات عدالت تک پہنچ گئی ہے۔ یہ معاملہ AI کی اخلاقیات اور حکومتی دباؤ کے درمیان ایک بڑی بحث کو جنم دے رہا ہے۔

آخر میں Google نے اپنی نئی ایپ Google Opal میں ایک طاقتور فیچر شامل کیا ہے۔ اب آپ صرف ایک جملہ بول کر پیچیدہ کام خودکار بنا سکتے ہیں—بغیر کسی کوڈ کے۔ مثال کے طور پر: “ہر ہفتے Google Sheets کی رپورٹ بنا کر مجھے ای میل کر دینا” — اور Opal یہ کام خود ہی کرتی رہے گی۔ یہ واقعی ایسا لگتا ہے جیسے آپ کے فون میں ایک چھوٹا سا ذاتی اسسٹنٹ آ موجود ہوا ہو۔

دوستو!

اسی جذبے اور اسی وائب کوڈنگ کی بدولت ہم نے پاکستان کی پہلی کمیونٹی اسپیڈ ٹیسٹنگ ایپ تیار کر دی ہے۔ اور سب سے خوشی کی بات یہ ہے کہ اب تک پورے ملک سے بارہ ہزار سے زیادہ دوست اپنا انٹرنیٹ اسپیڈ چیک کر چکے ہیں۔

یہ کوئی عام اسپیڈ ٹیسٹر نہیں ہے۔ جیسے ہی آپ اسپیڈ چیک کرتے ہیں، یہ آپ کے شہر یا علاقے کو نقشے پر ظاہر کرتا ہے، جس سے فوراً اندازہ ہو جاتا ہے کہ پاکستان میں مختلف جگہوں پر انٹرنیٹ کی صورتحال کیسی ہے۔

آپ یہ بھی دیکھ سکتے ہیں کہ مختلف شہروں میں کون سی کمپنی کی انٹرنیٹ سروس بہتر چل رہی ہے اور کہاں رفتار کم ہے۔ اور سب سے اچھی بات — آپ ان رزلٹس کو آسانی سے اپنے دوستوں کے ساتھ شیئر بھی کر سکتے ہیں۔

ہمارا اگلا بڑا پلان یہ ہے کہ ہم ہر مہینے کے آخر میں پاکستان کے انٹرنیٹ کی صورتحال پر ایک تفصیلی رپورٹ جاری کریں گے۔

ایسے سوچیں: مارچ کے آخر میں ہم ہزاروں صارفین کے ٹیسٹوں کی بنیاد پر ایک بالکل صاف، ثبوتوں کے ساتھ رپورٹ سامنے رکھیں — کہ پاکستان میں حقیقت میں انٹرنیٹ کی رفتار اور معیار کیا ہے۔

یہ صرف ایک رپورٹ نہیں ہوگی، بلکہ عوامی ڈیٹا کی بنیاد پر ایک ایسی تصویر ہوگی جو کسی کے کنٹرول میں نہیں—صرف لوگوں کی اپنی جانب سے رپورٹ کی گئی حقیقت۔

آپ بھی اس کا حصہ بن سکتے ہیں۔

بس اپنی انٹرنیٹ سپیڈ چیک کریں، اور آپ کا ٹیسٹ پاکستان کے مجموعی ڈیٹا میں شامل ہو جائے گا۔

یہ ویب پر اور اینڈرائیڈ ایپ دونوں پر دستیاب ہے:

ویب سائٹ:

www.pakspeed.com

ایپ:

www.pakspeed.com/app

اپنا فیڈ بیک دے کر ضرور بتائے گا کہ آپ کو یہ ای میل بہتر لگی اور اسی اسٹائل میں لکھتے رہیں۔ آپ کیا چیزیں پسند کریں گے؟

آپ کا دوست
قیصر رونجھا
Urdu Ai

گوگل نے چند نئے AI کورسز لانچ کیے ہیں جن میں ایک زبردست کورس “AI کے ذریعے ایپ ڈویلپمنٹ” بھی شامل ہے۔ اور سب سے اچھی بات؟ کورس مکمل کرنے پر آپ کو 3 مہینے کا Google Gemini Pro بالکل فری ملے گا!

ہمارے ہزاروں دوست اردو اے آئی کی طرف سے یہ کورسز پہلے ہی مکمل کر چکے ہیں۔ اگر آپ واقعی AI سیکھنا چاہتے ہیں، تو یہ آپ کے لیے ایک سنجیدہ اور سونے جیسا موقع ہے۔

7 مکمل Google Professional Certificates — 100٪ اسکالرشپ کے ساتھ

اردو اے آئی کمیونٹی کے لیے ہم ایک اسٹرکچرڈ لرننگ راستہ شیئر کر رہے ہیں، جس میں شامل ہیں:

• AI Fundamentals

• Data Analysis

• Machine Learning کی بنیادی سمجھ

• AI Tools کے ساتھ App Development

• اور دیگر ضروری مہارتیں

اچھی بات یہ ہے کہ تمام کورسز روزانہ صرف 5–6 گھنٹے میں مکمل کیے جا سکتے ہیں۔ ساتھ ہی آپ کو 3 ماہ کے لیے فری Gemini Pro بھی ملے گا تاکہ آپ عملی طور پر AI ٹولز استعمال کرنا سیکھ سکیں۔

⏳ اسکالرشپ محدود ہے — پہلے آئیے، پہلے پائیے

چونکہ ہمارے پاس اسکالرشپس کی تعداد محدود ہے، اس لیے یہ مکمل طور پر پہلے آئیے، پہلے پائیےکی بنیاد پر دیا جائے گا۔ ایک ہفتے بعد ہم اسکالرشپ نئے دوستوں کے لیے کھول دیں گے — لیکن آپ کا سرٹیفکیٹ اور Gemini Pro برقرار رہے گا۔

📝 فارم پُر کریں (صرف 1 منٹ)

👉 Google AI Scholarship فارم – یہاں کلک کریں

سیٹ محدود ہیں — اپنی جگہ ابھی محفوظ کریں۔

اس بات کو یقینی کے بنانے کے لئے کہ آپ کو یہ ای میل ملی ہے۔ برائے مہربانی اس ای میل کو رسپانس ضرور کریں۔

____________________________________________________________________

کاروباری اداروں میں اے آئی کا کردار تیزی سے بڑھ رہا ہے۔ Cowork اور پرائیویٹ پلگ اِن مارکیٹ پلیس کے ذریعے کمپنیاں اب اے آئی کو اپنی ضرورت، ڈیٹا سکیورٹی اور ٹیم اسٹرکچر کے مطابق ترتیب دے سکتی ہیں۔ یہ تبدیلی انٹرپرائز اے آئی کے مستقبل کے لیے کیا معنی رکھتی ہے؟ تفصیل پڑھیں: